Sahir Ludhianvi Famous Ghazal in Urdu 2024

Sahir Ludhianvi Famous Ghazal

Tang aa chuke hain kashmakash-e-zindagi se hum
Thukra na dein jahan ko kahin be-dili se hum

Mayusi maal-e-mohabbat, neem poochhiye
Apno se pesh aaye hain begaanagi se hum

Lo aaj hum ne toad diya rishta-e-umeed
Lo ab kabhi gila na karenge kisi se hum

Ubhrenge ek baar abhi dil ke walwale
Go dab gaye hain baar-e-gham-e-zindagi se hum

Gar zindagi mein mil gaye phir ittefaq se
Poochenge apna haal teri be-basi se hum

Famous Ghazal

Allah re fareb-e-masheeat ke aaj tak
Duniya ke zulm sahte rahe khamoshi se hum

Milti hai zindagi mein mohabbat kabhi kabhi
Hoti hai dilbaron ki inayat kabhi kabhi

Sharma ke munh na pher nazeer ke sawal par
Laati hai aise mod pe kismat kabhi kabhi

Khulte nahi hain roz dar bachche bahaar ke
Aati hai jaan-e-man yeh qayamat kabhi kabhi

Tanha na kat sakeinge jawani ke raste
Pesh aaye gi kisi ki zaroorat kabhi kabhi

Phir kho na jayein hum kahin duniya ki bheed mein
Milti hai paas aane ki mohabbat kabhi kabhi

Aapki Shayari

Ahl-e-dil aur bhi hain ahl-e-wafa aur bhi hain
Ek hum hi nahi duniya se khafa aur bhi hain

Hum par hi khatam nahi maslak-e-shoreeda sari
Chaak dil aur bhi hain chaak qaba aur bhi hain

Kya hua gar mere yaaron ki zubanein chup hain
Mere shahid mere yaaron ke siwa aur bhi hain

Sar salamat hai to kya sang-e-malamat ki kami
Jaan baaqi hai to paikan-e-fiza aur bhi hain

Munsif-e-sheher ki wahdat pe na harf aa jaye
Log kehte hain ke arbaab-e-jafa aur bhi hain

Sahir Ludhianvi Biography