Nadeem Anjum Sad Poetry Us ki Galiyon mein jis ne Rona hai in Urdu 2024

Nadeem Anjum Sad Poetry Us ki Galiyon mein

Nadeem Anjum Sad Poetry

Ikhtiyar

Kabhi hum in sochon ko khud bulate hain
Shayad masroof rehne ke liye
Apna aap jalate hain

Aur phir kar ke bahana koli
Kisi jungle mein door tak
Bhaag jaate hain

Teri yaadon ke diye
Khud jalate hain
Khayaal khud jalate hain

Woh mere qurb ki din raat dua maangta hai
Apne gham mujh ko bila mu'awaza dene wala

Us ki galiyon mein jis ne rona hai
Khudi apni ko us ne khona hai

Wafa ka kuch nahi asar un par
Apne aap ko daboona hai

Raat aate ho, din ko jaate ho
Kya yeh dil mera khilona hai

Bade lagte hain aashob magar
Daagh dil ko bhi to dhona hai

Sad Poetry Aapki Shayari 

Mujhe tum pyaar ki surat milo 
Yeh ana ka khol tum utaar kar

Kabhi iqraar ki surat milo
Main tere paas aaya tha

Gham behlane

Apni katha se bhulane, neem tujhe rulane ko

Apne badan par teri chahatoun ka khol charhane

Mujhe tum dhaal ki surat milo, kabhi to pyaar ki surat milo

Sad Poetry Aapki Shayari

Na main ishq ka putla hoon na tum khoobsurat ho
Phir bhi dekho ke tum hi faqat meri zaroorat ho

Tum ne mujh se koi iqraar, na main ne tum se kiya
Dil yeh kehta hai shayad tumhein meri zaroorat ho?

Ittifaqaat to aise hua karte hain ulfat mein
Achha to kya tum hi mere khwabon ki moorat ho?

Mere jazbaat tere izhaar ke hain mohtaaj
Ab to keh do ke tum hi mere khwabon ki moorat ho

Sad Poetry Aapki Shayari

Ek aam si soorat ho par najane kyun
Is zamane mein tum hi nayaab lagte ho

Haqeeqat

Jo log gham-e-ishq par
Gham-e-duniya, gham-e-rozgaar

Aur haqeeqat ko bhaari kehte hain
Unhein kya pata haqeeqat kya hai

Sachai kya hai

Kisi ke saath bhalaai kya hai
Duniya mein yeh kaarawai kya hai

Yeh jahaan, yeh khudai kya hai
Sab kuch pyaar hai aur pyaar? Haqeeqat hai

Sad Poetry Aapki Shayari

Jis ki khaatir main duniya se faraar hua
Woh shakhs aakhir mujh se hi bezaar hua

Jis se pehle mere raat din sukoon mein the
Us ke baad mera har lamha angaar hua

Jaan par laakh sitam hue magar phir bhi
Mere waaste mere dil ka wahi qaraar hua

Jafaaein de kar meri wafaaon ke badle mein
Mere saamne woh phir na sharmsaar hua

Luta kar sab kuch apna is mohabbat mein
Jahaan ki nazron mein Anjum hi gunahgaar hua

Sad Poetry Aapki Shayari

Tum haseen nahi phir kyun gulaab lagte ho
Kabhi chashma kabhi koi saraab lagte ho

Sad Poetry Aapki Shayari

Gham ka saathi

Udaas raaton mein

Jab dil sehraon mein bhatke

Ya kahin

Jangalon mein door chala jaye

Aur jab

Guzarte hue lamhaat

Darinday ban jayein

To koi anjaana sa chehra

Maazi ki dhund mein se

Jhaankta hai

Aur phir chupke se mere paas aakar

Baith jata hai

Kaun hai yeh?

Sad Poetry Aapki Shayari

Aaye tanha the, jana tanha hai, jeena saath kyun?
Aur jo khud na mile, uski taraf badhana haath kyun?

Magar yeh baat to dil pagal na samajh paye
Din to kat jata hai tanha, phir nahi raat kyun?

Main apne sabr ko aazma chuka magar nasih
Woh na pighla na hi machle koi jazbaat kyun?

Na koi Heer rahi ab na hi Majnun faryaad
Phir yeh log bhala rakhte hain takhllusaat kyun?

Wisal ke baad hi dil khud ko tanha paata hai
Phir bhi karta hoon main us se mulaqat kyun?

Jab yeh haalat ho us ko ishq kehte hain
Wujood apna hai aur woh bane rahte hain

Sad Poetry Aapki Shayari

Sheeshe ka ghar

Kaun jaanta hai yeh kab tak qaim rahe
Jahan maine dheron sapne saja kar

Teri yaadon ko bula kar
Apni hasrat ko sila kar

Khoon-e-jigar jala kar
Fitrat se rang chura kar

Jahan teri tasveer chhupa rakhi hai
Kab tak qaim rahe

Tum se khayal mein milna hi itna achha laga
Us din se kabhi haqeeqat ka tasavvur nahi kiya

Sad Poetry Aapki Shayari

Teesra 

Chaandni ki baarish mein

Ya haseen khwabon mein

Raaste mein chalte hue

Chahe kai hijaabon mein

Kahin bahaar rut mein

Aur kahin mehke hue gulaabon mein

Ya phir

Khizaan ke mausam mein

Tum jab milo

Tere aur mere beech

Teesra koi na ho

Sad Poetry Aapki Shayari

Jab bhi do dil sataaye jaate hain

Bohat toofaan uthaaye jaate hain

Jin ko azaad kiya jaata hai

Unhi ke lab silaaye jaate hain

Ahl-e-duniya jinhein masloob kare

Woh to zinda uthaaye jaate hain

Jab baat baqaye deen ki ho to Ibn-e-Ali bulaaye jaate hain

Un ke rasto se kaante utha kar hum wahan gul khilaaye jaate hain

Hum bhi tableegh kiya karte hain apni ghazlein sunaaye jaate hain

Nadeem Anjum Biography